#الحرارة_و_الأطفال..
■ يُعتبر إرتفاع درجة الحرارة عند الأطفال في كل مراحلهم العُمرية من أكتر الأمور اللي بتخوِّف الأهل لدرجة الرُّعب على أولادهم
■ عشان كده تعالوا نفهم إيه الموضوع و نتعامل معاه إزاي ...
#ليه_الحرارة_بترتفع ؟؟
● يُعتبر #إرتفاع_درجة_الحرارة
دليل على مقاومة الجهاز المناعي لجسم الطفل بعد إصابته بالميكروب سواء فيروس أو بكتيريا.
● يتعامل جهاز المناعه مع المكروبات ويقوم بإبراز مواد واشارات للمخ لكى يقوم بارتفاع حرارة الجسم.
● كمان تكوين أجسام مضادة تعمل على حماية الجسم بعد كده لو الميكروب دا هاجم الجسم تاني ودا الى بنقول عليه بصمه المناعه
● طبعاً لازم #نسيطر_عليها
لإن حالة الطفل وقت الحرارة بتبقى يرثى لها و بيبقى مش مرتاح ..
علشان كده لازم نساعده بالكمادات و خوافض الحرارة المسموح بيها...
■ إمتى #الحرارة_تكون_خطيرة
#وهل_بتسبب_تلف_في_خلايا_المخ ؟؟!
■ دا بيحصل لما درجة حرارة الطفل بتزيد عن (٤٢ درجة )
#سبحان_آلله؛؛؛؛
▪دا مش بيحصل مع الإصابة بالميكروبات ...لكن بيحصل مع التعرض لدرجات الحرارة العاليه...
لإن حتى في أسوأ أنواع الإلتهابات البكتيرية الحرارة بتوصل ل
(٤٠.٦ درجة) و لو زادت عن كده دا معناه إن الطفل لابس تقيل أو قاعد في مكان دافي. .....#يعني_نِهدى
● إمتى نعرف إن #الطفل_درجة حرارته عاليه ؟؟!!
#اولا .درجه حرارة الطفل الطبيعية تتراوح بين( ٣٦.٧ درجه ل ٣٧.٤ درجة)
● طيب نعرف إن #الحرارة_عالية إمتى ؟؟؟
☆ حسب المكان اللي بنقيس منه درجة الحرارة ...
♡♡ لو قسنا من #فتحة_الشرج و كانت الحرارة ٣٨ درجة
♡♡ لو قسنا من #الفم و كانت الحرارة ٣٧.٥ درجة
♡♡ لو قسنا مِم #تحت_الإبط وكانت الحرارة ٣٧.٢ درجة
■ معظم حالات إرتفاع درجة الحرارة ممكن التعامل معاه في #البيت
**الا في الحالات اللي هنذكرها دلوقتي واللي محتاجين فيها الاستعانة بطبيب :-
1• إرتفاع درجة الحرارة(ل ٣٨ درجة) فما فوق في بيبي #أقل_من_٣شهور...لإن دا ممكن يكون علامة على الإصابة بعدوى شديدة.
2• أرتفاع درجة الحرارة فوق
(ال ٣٩ درجة) في أي عمر مع ظهور الأعراض التالية :-
◇زرْقان في الشفتين.
◇صعوبة في التنفس.
◇الإمتناع عن الأكل والشرب أو الرضاعة
◇ ظهور أعراض الجفاف.
◇الخمول و قلة النشاط.
◇ظهور طفح جلدي .
◇ظهور علامات التهاب الأذن
《 زي ..هز الرأس والبكاء المستمر أو خروج إفرازات من الأذن.》
◇عدم القدرة على النوم .
◇الكحة الشديدة.
◇الحالة بتسوء و مش بتتحسن.
#إزاي_نتعامل_مع_الحرارة؟؟
**أولا: #الأدوية:-
♤ دي أنواعها كتير و أأمنها في الأطفال هو
#الباراسيتامول_أو_السيتال
و بتقدر نديه للطفل من بعد الولادة.
و ممكن نستخدمه كل( ٤ : ٦ ساعات.)
بعد كده بييجي في المرحلة التانية
#البروفين
☆ أوصت الجمعية العلمية لطب الأطفال بعدم إستخدامه قبل "عمر ٦شهور"
لإنه بالإضافة لإنه خافض حرارة هو كمان بيستخدم كمان كمضاد للإلتهاب و ممكن في الحالة دي يسبب إخفاء أعراض مهمة في تشخيص مرض البِيبي.
▪ممكن نستخدمه كل ٨ساعات
■ بعد كده بييجي في المرحلة الثالثة
#دكلوفيناك_الصوديوم
(فولتارين ..او دولفين...الخ)
و دا عبارة عن لبوس ويستخدم بعد "عُمر سنة "
و مش أكتر من ٣ مرات في اليوم.
**ثانياً :#الكمادات :
في نقطتين مهمين لازم نذكرهم في موضوع الكمادات دا ...
■ ممنوع منعاً باتاً إستخدام #الماء_البارد_والثلج ك كمادات لإنها بتسبب نزول وقتي فقط في درجة الحرارة لإن الرعشة اللي بتسببها بتكون سبب في إرتفاع درجة الحرارة مرة أخرى.
■ ممنوع منعاً باتاً استخدام #الكحول مثل (صبُّه و فركه على الجسم)
لأنه كمان بيسبب رعشه و ب يعلِّي درجة الحرارة
كمان له تأثير سُمِّي لو تم إمتصاصه عن طريق الجلد
و تأثير مخدر يصل لدرجة الغيبوبة
ء و أعراض جانبية خطيرة لو تم إستنشاقه عن طريق الأنف و هذا ما أثبت حديثاً.
■طيب نعمل كمادات #إزااااي؟؟!!
باستخدام #ماء_فاتر على الأماكن الأتيه هي :
▪جانبي الرقبة.
▪تحت الإبطين.
▪الجهة الداخلية ل مفصل الفخذ .
☆ لإن دي الأماكن اللي بتمر فيها #أكبر_الأوعية_الدموية في الجسم
☆ ممكن #نحمِّيه و نغسل جسمه كلّه بماء فاتر ..افضل طريقة...
《يتم ملئ البانيو للطفل حوالى ١٠ سم ويقعد الطفل فيه ويتم وضع الماء على ظهر الطفل وهوا جالس فى الماء 》
و ياريت نكون واخدين خافض الحرارة قبلها .
《وربنا يحمي اولادنا》
#شيرر_وانفع_غيرك
الحموضة في نهار رمضان؟ وعلاجها الحموضة فى نهار رمضان يعاني البعض من أعراض الحموضة أثناء الصيام، ويتزايد الأمر إلى حد الانتفاخ عقب الإفطار، وهناك بعض العادات الخاطئة التي تسبب تلك المشكلة، لذا يجب الانتباه إلى اتباع الإرشادات اللازمة للتخلص من الحموضة. هذة بعض النصائح الضرورية للحماية من الإصابة بالحموضة والانتفاخ خلال فترة الصيام: 1- ضرورة اختيار الأطعمة في وجبة السحور لتكون سهلة الهضم مثل تناول العيش البلدي بدلًا من الأبيض، لتفادي إرهاق الجهاز الهضمي. 2- ضرورة الاعتماد على تناول الفواكه والخضروات، وتجنب تناول المسبكات والدهون والأطعمة المقلية لمنع التعرض للإصابة بالحموضة. ويرجع حدوث الانتفاخ عقب الإفطار مباشرة بسبب طول فترة الصوم وتناول الطعام بكميات كبيرة مباشرة، مما يحدث صدمة للجهاز الهضمي تسبب الانتفاخ. كما أن هناك أطعمة تسبب الانتفاخ من بينها القرنبيط، والفاصولياء، والكرنب، والحلوى، والمشروبات الغازية. كما أنه من الضرورى تناول الشوربة في الإفطار، لتهيئة الجهاز الهضمي أولًا يليها السلطات، لأنها مضادة...
تعليقات
إرسال تعليق